Britt blogger fra eit sykeleie

To dagar på hjarteskulen er nå til endes. Eg har fått innføring i kondisjons- og styrkeapparat, og lært kva som er godt for dei ulike muskelgruppene, og prøvd apparata. Det var moro! Fine og nye apparat, nesten ikkje brukte, og med alle dei siste finessane. Fysioterapeuten som fylgde oss, peika på manualar og strikk som alternativ, og meinte dei var betre, men eg må tilstå at eg likar mekaniske innretningar. Eg er nok arveleg belasta, trur eg. I går ettermiddag var det ope basseng. Eg merka at det var lenge sidan sist eg hadde vore i vatn, så det vart symd fire lengder, med pausar, før eg tutla meg på land og tok kvelden. I dag har me hatt enkel trening i gymsal, der me stort sett hadde ulike gåøvingar, og trening på å lære namna på alle. I ettermiddag var det bassengtrening. Det var moro, for ein vert jo meir vektlaus i vatn, så me trena på å gå på ulike måtar, bruke hendene, flyte og symje med hjelpemiddel. Ei flott økt. Teorien i dag var interessant. Det handla om hjartesjukdom,...

Me var oppe grytidleg, for me skulle vera på sjukehuset 8.30, og hadde funne ut at det var best mannen køyrde, for det tok kortare tid enn toget. Me kom fram i tide, etter å ha brukt E6 siste delen av vegen. I 4 etasje vart me teke vel imot, eg fekk rom og beskjed om å bytte til treningsklede og møte opp til innskrivingsssamtale. Mannen min reiste att, og eg sat. Ein time, to timar... folk kom og gjekk, og den eine etter den andre vart teke inn til samtale, berre ikkje eg. Sjukehuset var stort og fint og nytt, med trapper og heisar og resepsjon i kvar etasje. Folk hasta til og frå. Alle hadde det travelt, og eg sat. Eg gjorde meg ein tur i resepsjonen og lurte på om eg var registrert, noko eg visst var, men ... Etter to timar og eit kvarter fekk eg endeleg ein samtale med sjukepleiar, og vart kartlagt. Eg fekk beskjed å ete lunsj, men ikkje for mykje, for eg skulle ha kondisjonstestar like etterpå. Ja., det lova godt, så eg sat der og venta, og venta og venta litt til. Folk kom og g...

No er det berre ei veke til eg skal inn på LHL klinikken på Gardemoen. Det gled eg meg til. I mellomtida går eg. Vi går for det meste ein halv time, stundom meir. Eg må tilstå at det hender eg legg inn både hagearbeid og gåing mellom husa for å få ein halv time, men stort sett er det ein kveld-eller morgontur på halvtimen. Me går bakken av og til, men ikkje kvar dag. I dag gjekk eg ein litt bratt bakke opp frå Råsan i Nord: Odal. Sjøl om bakken var kort, må eg tilstå at eg kjende meg ganske andpusten då me kom opp. men det var godt! Eg prver å ete sundt, og et mykje frukt, grovt brd og mykje fisk som middagsmat. Men ein og annan is et eg nok, og det er som oftast 3 ruter sjokolade til kvelds. Det er vanskeleg å vende den vanen! Eg er på halv dose hjartemedisin no, og det fungerer greit, sjøl om eg vert fortare andpusten. Eg har ofte og laus avføring enno, sjølv om eg har slutta med eit av dei blodfortynnande. Men eg laut ha større dose statiner, og eg lurar på om det er den koleser...

Så har eg vore på kontroll på Elverum sykehus. Vi gjekk trappene til 3.dje etasje, og venta både lenge og vel før eg endeleg kom inn til kontroll. Det var varmt den dagen, og då eg kom på sykkelen, var det best å sitje lett påkledd. Eg sykla i ti minuttar med aukande motstand, og det gjekk fint, med oppmuntrande tilrop frå sjukepleiar og lege,. Eg hadde på meg måleinstrument, og sjukepleiar og lege fylgde med ettersom eg trakka meg fram. Eg hadde fin fart etter alderen, og fekk beskjed om at det var greit. Men pusten kom ikkje opp, så legen trudde at hjartemedisinene hemma lungekapasiteten. Eg vart difor sett på halv dose hjartemedisin. Dessutan fekk eg ta bort den eine blodfortynnande, så no har eg "berre" to . Dei skal eg ha eit år, for sikkerheitsskuld. Magen og avføringa har betra seg litt, men eg har framleis laus mage. Ser ut som det er noko eg må leva med. Det er ei lita plage. Eg er takksam for livet, og at eg er så sprek som eg er. Vi held fram med å gå, man...