Gå til hovedinnhold

Septembermelding.

 Så er me alt kome langt ut i september, og det er tid for ein ny rapport. Det har vore fint ver, så det har vore lett å få til sine 3000 skritt.  Om veret ikkje var så bra, så har appen til Yr hjelpt meg til å gå mellom bygene. Det er mange fine finessar på moderne dupedittar! 

Vi har plukka bær. Godt å kome ut i skogen, og finne at i år bugnar det av bær. Eg trur aldri eg har funne så mykje på så kort tid. Me fann ei halv bytte kvar gong, og me var ikkje ute i mykje over timen!  Vi plukkar blått og raudt saman, og så sortertar me heime. For oss fungerar det bra. Så me har fått mykje fint blåbær og tytebær til syltetøy og dessertar. 

Blomkål viste seg å vere fin til slankekur. Eg bruka han  i salaten eg et til frukost og lunsj.  Dessutan har me hatt fleire middagar med blomkål som hovedrett eller  attåt.  Eg har gått ned fleire kilo! Då eg googla  dei fantastiske eigenskapane til  kål,  fann eg ut at kåldietten var ein kjend slankemetode, både for kortids og lang tids slanking. Kålen er full av fiber, og reinsar tarmane, fann eg ut. Men det harde regimet eg fann på nett, var ikkje noko for meg. Det var kål til frukost , middag og kvelds i fleire veker. Eg har laga meg ein "cauliflower light" metode. Det er blomkålsalat attåt frukost, og til lunsj, og så har me ein middag med blomkål for veka.  Den er ikkje så effektiv, men det går sakte nedover 100g etter 100g, så lenge eg er forsiktig med dei andre måltida og. Eg har gått ned 2,5 kg på ein månad, og det er bra for meg.  Så hugsar eg å vege meg om morgonen, når eg er lettast, sjølvsagt! 

Blomkål har vore til sjølplukk lenge, for bonden fekk ikkje levere meir til fabrikken. Så eg har sikra meg ein del, og har forvella dei til seinare bruk i vinter. Så no må eg berre vera flink å bruke dei i mat!  Eg har sett meg som mål å gå ned ein størrelse i klede til jul! Spanande om eg klarar det!

Kommentarer

Legg inn en kommentar

Populære innlegg fra denne bloggen

April

Dagane går, og et hener ikkje så mykje nytt. Eg er flink til å gå mine 3000 skritt, og periodisk er eg flink å bruke strikken, og til og med vektene eg arva etter sonen min. Litt hagearbeid vert det og, men sesongen er ikkje starta skikkeleg. Me tok ein runde på bærtrea,og bringebæra vart tynt og klippt. Vi planla litt for sesongen, og fekk sett ned stemorsblomar. Det er kuldegrader om natta enno. Tidleg om morgonen, med 5- ser dei forfrosne ut, men dei rettar ryggen og står fine og frodige att på ettermiddagen.  Den første koronnasprøyta tok eg. for fjorten dagar sidan, og  det var utan biverknader. Den siste skal eg ta om 14 dagar, og då er eg vonleg fit for society again. 
Legg inn en kommentar
Les mer

Mai!

 Nå er 17.mai over. Regn og ruskevær, og eit skikkeleg vått flagg. Heldigvis klårna det opp, og blåsten turka noko av væta av flagget.  Den andre coronnasprøyta er no overstått, utan særlege komplikasjonar. Litt smerte i armen første natta, og det var  alt. Kanhende litt trøytt etterpå, men det kan jo skuldasrt så mykje.  Elles er stoda mykje den same. Eg går mine 3000 skritt, brukar strikken og driv litt med hagearbeid. Det siste har vore lite, for no kom det etterlengta regnet. Det har regna godt, og no er det grønt og fin, både plenar og tre har den vakre lyse grønfargen. Det er som med kattungar av ein viss størrelse. Dei skulle aldri vorte større!. Men livet går sin gang, uansett ynskje.  Men det er ei fin tid, med nysprotte lauv, blomar, fuglesong og lyse morgonar. Kveldane blir lengre. Våren er vakker! Men når det gjeld vekta strevar eg. Det er vanskeleg å gå ned i vekt. Men ein får glede seg over dei små skritt. Ein kjem fram då og! 
Legg inn en kommentar
Les mer

Februar

februar er kort, og det vart dette og!  Det er kaldt på Austlandet no. men eg kan gå ute, og ikkje kjenna vondt! eg gled meg over det, og takkar Gud for det. Mange fine vinterbilete har det og blitt.  No er dagane vorte lengre, og sola varmar når eg går  den daglege halvtimesturen. Eg tek bilete, for eg er fasinert av alle vakre bilete den kalde årstida byr på.  Eg har sagt opp det passive medlemskapen på treningssenteret. Dessutan, dei har leigd seg ut til vaksinestasjon for coronna, så det er vel reduset plass til å trena. Vekta er vanskeleg. No går ho opp att, i staden for ned. Skulle ynskja eg fann ein mirakelkur!  Strikken brukar eg, og den verkar både på haldning og humør!  
Legg inn en kommentar
Les mer