April

Eg erv  framleis flink å gå mine 3000 skritt, og prøver å bruke strikk. I går var eg forresten på treningssenteret att! Kjempekjekt å trene, og kjenne at pulsen steig!

Maten strevar eg med. Det er vanskeleg å gå ned nokre kilo. Men eg prøver. 

Her er siste funn om mat og helse:

GI indeksen, eller  Glykemisk indeks målar kor raskt, og kor mykje, ei matvare aukar blodsukkeret. Mat med lav glykemisk indeks påvirkar blodsukkeret og insulinnivået mindre enn mat med høg glykemisk indeks.

Når ein et mat som aukar blodsukkeret, og drikk for eksempel cola, kjenner ein seg pigg med det same. Men fordi blodsukkeret aukar, vil kroppen tilføre insulin frå bukspyttkjertelen  for å senke det. Då fell blodsukkeret raskt, og ein vil kjenne seg trøytt, uopplagt og ha behov for noko søtt. Om ein då slenger innpå godis, brus eller kaker, vil blodsukkeret igjen auke, insulinproduksjonen i kroppen aukar på nytt og snart er vi like trøytte att.

Dette er farleg, fordi det er lett å ete for mykje når blodsukkeret stig og fell heile tida. Dessutan aukar insulinproduksjonen i kroppen, og ein må produsere meir insulin for å oppnå same effekt. Dette kan føre til diabetes.

Når det er mykje insulin i kroppen, vil det minke forbrenninga av fett, og fettet blir lagra i kroppen i staden for å forbrenne. Insulin kan altså binde fett i kroppen. Då legg vi på oss. 

Verken  protein eller fett påverkar blodsukkeret. Dei aukar fettforbrenninga, og vi kjenner oss mett lenger.  Karbohydratane, derimot påverkar blodsukkeret , og dermed kor mykje insulin vi har i blodet. Men det finns karbohydratar som verkar kraftig på blodsukkeret, og karbohydratar som påverkar det mindre.  Karbohydratar somhar høg GI påverkar blodsukkeret mykje.Eksempel på dette er loff, potetmos, sukker, ris og pasta. 

 Karbohydratar med lav GI påverkar blodsukkeret lite. Eksempel på dette er grønnsaker, frukt, bønner, nøtter og ein del fullkornprodukt.  Ein kan ikkje slutte med karbohydrater, for dei  trengs for å gi energi og forbetre immunforsvaret. Dei inneheld livsviktige mineraler og vitaminer og fibrar. For eksempel er hjernen vår er heilt avhengig av karbohydratar for å fungere.

Men ein bør velje karbohydratar med lav GI for å få ei jamn og stabil energikurve, bruke protein og sunt fett, særleg umetta feitt.

Ein bør ha ein tallerkenmodell med 45% karbohydrat, 25%protein og 30% feitt.

Karbohydrat som har lav GI er under 35%. NHI skriv at 55% er lav, litt avhengig av kva ein elles et.  

Så no er det berre å finne og bruke dei sunne karbohydratane!  Eg fann ei liste over GI indeks i matvarer, og printa ho ut. Så no er det berre å lese, lære og bruke!